Program for folkehelsearbeid i kommunane er ei nasjonal satsing for å styrke kommunane sitt arbeid med å fremje befolkninga si helse og livskvalitet. Fylkeskommunen har ei regional samordningsrolle i programmet, når det gjeld utvikling og evaluering av tiltak for å fremje barn og unge si psykiske helse og livskvalitet. Satsinga skal styrke det langsiktige og systematiske folkehelsearbeidet i kommunane. Program for folkehelse skal gjennom ulike koordinerte prosessar styrke det helsefremjande arbeidet i kommunane. Eit overordna mål er at psykisk helse og førebyggjande rusarbeid vert ein integrert del av folkehelsearbeidet i kommunen.
Program for folkehelsearbeid skal legge til rette for kunnskapsbasert utvikling av arbeidsmåtar, tiltak og verktøy, samt stimulere til samarbeid mellom kommunesektoren og forskingsmiljø om utviklingsarbeidet.
Bergen kommune skal som tiltakskommune gjennomføre to prosjekt i programperioden:
Prosjekt 1: Helsefremmande miljø på sosiale media (oppstart 2019) - Fullført
Prosjekt 2: Helsefremmande barnehagar (oppstart 2021) - Pågår