Programmet har eit stort utval utstillingar, konsertar og framsyningar, og tilbod både til ungdom, barnefamilien, den turglade og den historieinteresserte.
Tilboda i programmet er i regi av ei rekkje ulike arrangørar, og gjenspeglar slik breidda i kulturlivet i Arna – frå individuelle eldsjeler til organisasjonar og bedrifter.
Opning under open gard 26. april
Den offisielle opninga skjer i år 26. april på Soltun Besøksgard på Garnes. Klokka 10.00–14.00 er det open gard med aktivitetar for heile familien. Klokka 12.00 blir det offisiell opning av kulturdagane ved byråd for næring, kultur og idrett Reidar Digranes. Han deler og ut årets kulturpris for Arna bydel. På programmet står og rebus og Bajas-teater. Billettar kroner 50 per person.
Friskt og variert
Nytt i programmet i år er mellom anna eige pubkor-arrangement i Kulturhuset Sentrum. Eller kanskje freistar det med latinamerikansk vinsmakingskonsert eller gudsteneste med musikk av Johnny Cash?
Ungdom kan delta på mellom anna spelkulturarena i Ytre Arna og open dag hos musikkklubben LydAr. Og barnefamiliar er velkomen til Vennebyen-show, mellom mykje anna.
Avslutningskonserten er i år med Sigrid Moldestad i Arna kyrkje.
Les meir og finn noko som passar for nettopp deg i programmet
Sjå programmet
Bla deg gjennom programmet her (lenke til Publitas).
Du kan og laste ned programbrosjyren direkte i pdf-format her:
Programmet blir sendt ut i postkassane til husstandar i Arna i veke 13.
Om du ønsker det kan du og følge med på Kulturdagar i Arna si Facebook-side.
Om Kulturdagar i Arna
Kulturdagar i Arna er eit årleg samarbeidsprosjekt mellom kommunen og kultur- og organisasjonslivet i Arna. Arna og Åsane kulturkontor fungerer som koordinator og tilretteleggjar, medan lag, organisasjonar og andre kulturaktørar står ansvarlege for dei ulike arrangementa.
Har du spørsmål? Ta kontakt med Arna og Åsane kulturkontor.
Meir info om ulike kulturdagar i Bergen finn du her.